Setelah Melihat Podcast Deddy Corbuzier & Bossman Mardigu : MAKIN LIEUR!

Bismillahirahmanirrahim, sateuacana hayu sami-sami panjatkeun doa di tengah wabah anu melanda negeri urang sadayna, Indonesia tercinta. Teu hilap ngadoa kanggo kasehatan urang sadayana sareng tiasa uih deui normal aktivitasna, oge diangkat wabah virus corona di muka bumi ieu.

Wabah covid-19 ieu memang bener-bener menyita tanaga, pikiran, sareng utamina ekonomi masyarakat Indonesia. Leres pisan, anu paling kena dampak tina wabah ieu teh sektor ekonomi. Kunaon? Kusabab eta wabah, seueur penghasilan masyarakat teh janten menurun drastis, bahkan aya nu dilirenkeun dina padamelanna.

Upami anu aya tabungan panginten rada tiasa ngarenghap, kumargi tiasa mencukupi kabutuhan sahari-hari. Profesi anu panghasilanna teu menentu tiap hari malah lieur dibuatna. Benten halna sareng anu seueur tunggakan gara-gara gaya hidup. Cicilan dimana-mana, tagihan unggal dinten, sareng sajabana anu matak pikiranna janten pusing tujuh keliling.

Upami tiasa ngritik pamarentah mah simkuring hoyong nyarioskeun yen seueur kabijakan anu saestuna jauh tina menyejahterakeun rakyat. Sanes abi anti pamarentah atanapi anti Jokowi atau Pro Prabowo. Da ayeuna mah manehna tos ruing mungpulung di hiji kabinet.

Maenya aya nu ngritik kabijakan pamarentah langsung di cap anti pamarentah? Justru saleresna teh didieu abi ngaluarkeun unek-unek salaku rakyat handap kumaha sesahna bertahan di situasi pandemi sareng ekonomi anu tiasa disebat ngos-ngosan.

Cik atuh upami rakyatna sesah teh sanes naikkeun BPJS. Boro-boro ngemutan BPJS, pienjingeun kanggo tuang ge aya anu kalimpungan. Sateuacan pandemi mah panginten tiasa bayar BPJS, lah upami nuju pandemi? Kan teu terang oge. Saena mah diturunkeun sanes dinaekkeun.

Upami memang nagara kakirangan artos di situasi ekonomi anu sesah, minimalna ulah ngaluarkeun kabijakan anu menambah beban pikiran rakyatna. Aya oge deui DPR ngasahkeun Undang-Undang Minerba. NANAONAN AI SALIRA? Ah tos we lah.. Lieur!

Ngomong-ngomong perkara lieur, simkuring ngaraoskeun sanes ekonomi wae kena dampak tina covid-19 the. Psikis atanapi pikiran oge secara langsung kena dampak. Malah mah ayeuna kaluar istilah teori konspirasi. Pas boomingna teh drummer SID, Jerinx, ngalontarkeun isu covid-19 teh sabangsaning konspirasi ti para elit global. Saha eta elit global? Eta nu sok dianggo barudak SD mun praktek geografi, bentukan bulet, aya panyanggana, teras tiasa muter. Halu nya?

Da emang halu cenah pamikiran pamain drum asal Bali eta teh. Eta ge ceuk komen-komen di Instagram anu nyerang kana pamikiran jerinx. Simkuring memang moal ngabahas isu konspirasi tapi nu pentingna mah urang sadayana kudu aware kana virus jeung jaga kesehatan diri sareng kulawargi masing-masing. Ulah malah nambah beban petugas medis lah nya!

Saatos berminggu-minggu teori halu eta mulai teu diperbincangkeun deui di publik, eh tiba-tiba aya podcast Deddy Corbuzier sareng Bossman Mardigu atau Wowiek. Cik tebak naon tema nu diangkat dina eta podcast? Teu lepat deui nyaeta bahas konspirasi covid-19 deui! (sesuai judul di youtubena).

Simkuring ngupingkeun ti awal, seolah-olah memang make sense anu diobrolkeunna teh. Dunia intelejen, shadow, Amerika, Cina, sareng isu-isu negara anu nembe terang saleresna simkuring oge. Ide-ide sareng pemikiran Bossman “daging” pisan lah, cara bernegara di pemikiranna oge luar biasa lah, bener-bener businessman.

Anu intina isu konspirasi saakan bade meredup ternyata diduruk deui tah saatos aya podcast Deddy Corbuzier.

Virus corona ternyata buatan sanes musibah, dugi ka ngobrolkeun kamungkinan perang Amerika-Cina di Laut Cina Selatan. Wah pokokna LIEUR PISAN LAH! Kumaha menanggapina mun tos kieu?

Simkuring mah moal ambil pusing, mun sakintenna eta berita teh bener (virusna dibuat atau direkayasa langsung wae atuh usulkeun pamarentah ka nu ngadamelna langsung nyuhungkeun anti virusna atau obatna.

Ai perang Amerika-Cina kumaha? Keulaan mun masalah eta mah. Meskipun “cenah” Indonesia teh berperan penting dina peperangan Amerika-Cina tapi nu lebih penting oge eta virusna dibereskeun heula.

Tapi mun janten emutan simkuring teh nyaeta Bossman konfirmasi ti rencangana anu Doktor di Universitas Cambridge yen tiasa ngajamin eta virus teh buatan. Mun namina virus buatan pasti aya panangkalna kan? Logikana kan kitu. Nah mun logikana kitu, pertama kudu aya pembuktian Doktor eta teh ka publik bahwa virus corona bener-bener buatan. Terus mun Amerika (info ti Bossman sesuai Podcast) nu ngabuatna berarti kudu tanggung jawab kan sadayana negara?

Saran simkuring mah teu muluk-muluk, cik ayeuna mah buktikeun ku Bossman atau Deddy Corbuzier (salaku penyelenggara podcast) mun memang eta virus teh buatan. Ulah ngan saukur memang gaduh kenalan teras tiasa langsung ngeklaim sapertos kitu. Soalna sanes simkuring teu hoyong percanten tapi namina zaman ayeuna mah kedah aya bukti nembe percaya. Leres, kan?

Ameh naon? Supados masyarakat teh emutanna tenang sareng psikisna oge tiasa teu kaganggu. Ulah malah mikiran ieu virus teh bener-bener konspirasi atanapi sanes? Nu ujung-ujungna stress, terus udur, terus imunna lemah, terus kena covid-19, kan konyol engkena. Naudzubillah.

Sakitu wae anu tiasa dipikahatur. Simkuring ameh teu lieur saatos nonton podcastna, nyerat di kumparan we lah.

Nuhun Ah. Mangga lajengkeun saumna.

Setelah Melihat Podcast Deddy Corbuzier & Bossman Mardigu : MAKIN LIEUR!
Tagged on:             

Leave a Reply

Your email address will not be published. Required fields are marked *